UNESCO Etxeak, Natura Ondare eta Klima Aldaketa Zuzendaritzaren laguntzaz, 2 prestakuntza-beka eskaintzen ditu Urdaibaiko Biosfera Erreserban praktikak egin eta prestakuntza jasotzeko.
Ordaindutako bekak dira.
Bekaren denboraldia: 2021ko maiatzaren 1etik abenduaren 31ra (8 hilabete).
Eskaera apirilaren 6ra arte bidal dezakezu.
Gazteak biosfera-erreserben etorkizun
a dira, eta beren lurraldearen antolamenduan esku hartzeko aukera eman behar zaie, bai eta prestakuntza jasotzekoa ere, biosfera-erreserbak kudeatzen laguntzeko eta haien garapen iraunkorra sustatzeko.
Horregatik, UNESCO Etxeak, Natura Ondare eta Klima Aldaketa Zuzendaritzaren laguntzaz, ordaindutako 2 prestakuntza-beka eskaintzen ditu Urdaibaiko Biosfera Erreserban praktikak egin eta prestakuntza jasotzeko.
Zer sartzen da bekan?
8 hilabeteko prestakuntza praktikorako egonaldia (2021ko maiatzaren 1etik abenduaren 31ra) lanaldi erdira; gunea Urdaibai Biosfera Erreserbarako Zerbitzuan izango da (Ekoetxea – Busturia).
Prestakuntza-plana.
Ordainsari gordina: 450 €/hilabete.
Besteak beste, zeregin hauek izango ditu beka jasotzen duenak:
Bekarekin lotutako jardueretan parte hartzea.
Urdaibai Biosfera Erreserbarako Zerbitzuan martxan dauden proiektuetan laguntzea.
Beka amaierako txostena egitea.
Hautaketa-irizpideak:
18 eta 30 urte artean izatea (adin-tarte hori beka hasten den egunean izan behar da, hau da, maiatzaren 1ean).
Prestakuntza edo esperientzia Turismoaren edo Ingurumenaren sektoreetan.
Urdaibaiko Biosfera Erreserbarekin lotura bat izatea (bizilekua, lana, ikasketak, ikerketa, edo Urdaibaiko elkarteren bateko kide izatea).
Euskara-maila eta ingeles-maila altuak izatea.
Motibazioa eta komunikatzeko gaitasuna izatea.
Lehentasuna emango zaie langabezian daudenei.
Zer aurkeztu behar da?
Curriculum vitaea.
Motibazio-gutuna.
Urdaibaiko Biosfera Erreserbarekin lotura bat ziurtatzen duen dokumenturen bat, hautaketa-irizpideetan adierazitakoa betetzen dela ziurtatzeko.
Langabezian egonez gero, egoera horren egiaztagiria.
Hautagaitzak posta elektronikoz bidali behar dira
Nekane Viotari n.viota@unescoetxea.org Gaia: “Urdaibai beka”.
Azken eguna, apirilaren 6a.
Comments